​​
​បុរសម្នាក់តខ្សែភ្លើងខុសបច្ចេកទេសបណ្តាលឲ្យ ​ឆក់​ស្លាប់ ​ភ្ភ្លាមៗនៅនិងកន្លែងកើតហេតុ
ដោយ - Thu,10 October 2019 (Time 02:27 PM)

ខេត្តកំពង់ឆ្នាំង​៖​ កាលពី ​ថ្ងៃទី​៩​ខែតុលា​ឆ្នាំ​២០១៩​ ​ករណី​ឆក់​ខ្សែភ្លើង​បណ្ដាលឱ្យ​បុរស​ម្នាក់​ស្លាប់​នៅនិងកន្លែងហេតុការណ៍​នេះ​បាន​កើតឡើង​នៅក្នុង​ភូមិ​ស្រែព្រីង សង្កាត់​កំពង់ឆ្នាំង​ក្រុង​កំពង់ឆ្នាំង ​ខេត្តកំពង់ឆ្នាំង​។​សមត្ថកិច្ច​បានឱ្យដឹង​ថា​ជនរងគ្រោះ​ឈ្មោះ​យ៉ាន ភិរម្យ ភេទ​ប្រុស ​អាយុ​២៦​ឆ្នាំមាន​ទីលំនៅ​ក្នុងភូមិ សង្កាត់ កើតហេតុ​ខាងលើ​។​

​ ​មុនពេល​កើតហេតុ​ជនរងគ្រោះ​បាន​ត​ខ្សែ​អំពូល​ភ្លើង​ខុស​បច្ចេកទេស​ ​ដោយ​ត​ខ្សែ​ភ្ជាប់​ជាមួយ​អំពូល​(​មិនមាន​ជើង​ស៊ក​អំពូល​)​ហើយ​ប្រើ​ស្កុ​តរុំ​។ ​លុះ​ត​រួច​ក៏​ស៊ក​ព្រី​ចូល​ដុំ​ភ្លើង​តែ​អំពូល​មិន​ភ្លឺ​ក៏​យកដៃ​មួល​អង្គៀ​ក​ទើប​បណ្តាលឱ្យ​ឆក់​ស្លាប់​តែម្ដង​។ ​ក្រោយ​កើតហេតុ​កម្លាំង​នគរបាល​ក្រុង​កំពង់ឆ្នាំង​បាន​ពិនិត្យ​សព​ជនរងគ្រោះ​រួច​ប្រគល់ជូន​សាច់ញាតិ​រៀបចំ​ធ្វើបុណ្យ​៕