​​
​កំពូលចោរស្រី!!!!! នាំគ្នាទៅលួចស្បែកជើងមធ្យម ងំនៅអង្គុយរើសគូមើលស្អាតមិនស្អាតសិន ដល់ក្រឡេកឃើញកាមេរ៉ារត់ដាក់មេប្រូច
ដោយ - Thu,11 July 2019 (Time 04:24 AM)

ប្រទេសសិង្ហបុរី ៖ កាលពីថ្មីៗនេះ មានការបង្ហោះចែកចាយរូបភាព និងវីដេអូឃ្លីបចំនួន២ នៅលើបណ្តាញសង្គមហ្វេសប៊ុក ដោយទទួលបានការចាប់អារម្មណ៍ និងអស់សំណើចយ៉ាងខ្លាំង ជុំវិញនឹងសកម្មភាពរបស់ចោរស្រី២នាក់ បានព្យាយាមប៉ុនប៉ងលួចស្បែកជើងដែលគេទុកនៅខាងក្រៅផ្ទះ។ បើផ្អែកតាមរយៈប្រភពចែកចាយវីដេអូឃ្លីប ហេតុការណ៍នេះបានកើតឡើងកាលពីយប់ថ្ងៃសៅរ៍ ទី៦ កក្កដា ឆ្នាំ២០១៩ កន្លងទៅនេះ ស្ថិតនៅអគារស្នាក់នៅមួយកន្លែង ក្នុងប្លុក Teck Whye ប្រទេសសិង្ហបុរី។
ជាក់ស្ដែង វីដេអូឃ្លីបទី១ បានបង្ហាញពីសកម្មភាពជនសង្ស័យជាចោរស្រីរូបស្រស់ ២នាក់ បានដើរចូលទៅលួចស្បែកជើង អ្នកដែលរស់នៅក្នុងអគារនោះ (ឬម្ចាស់ផ្ទះ) បានទុកដាក់ស្បែកជើងជាច្រើននៅធ្នើរខាងក្រៅវេរ៉ង់ដា។ ជនសង្ស័យទាំងពីរ បាននាំគ្នាអង្គុយរើសមើលស្បែកជើង ទាំងចិត្តស្ទាក់ស្ទើរ ដែលមើលទៅហាក់បីដូចជាពួកគេកំពុងតែរើសទិញស្បែកជើងយ៉ាងអីចឹង។
ប៉ុន្តែដោយសារតែ ភ្លាមៗនោះជនសង្ស័យជាចោរស្រីទាំងពីរនាក់ខាងលើនេះ បានឮសូរសំឡេង ដែលទំនងជាមាននរណាម្នាក់មកនោះ ទើបធ្វើឲ្យពួកគេទាំងពីរភ័យនាំគ្នារត់តែម្តង។
ដោយឡែក សម្រាប់វីដេអូឃ្លីបទី២ មិនយូរប៉ុន្មានក៏ស្រាប់តែលេចមុខជនសង្ស័យម្នាក់ ក្នុងចំណោមពួកគេទាំងពីរបានត្រលប់មកវិញ ដោយក្នុងគោលបំណងចង់ទៅរកលួចយកស្បែកជើងនោះម្តងទៀត។ ប៉ុន្តែផ្ទុយទៅវិញ មុនធ្វើសកម្មភាពជាបន្ត ជនសង្ស័យជាចោរស្រីម្នាក់នោះ ក៏បានក្រឡេកមើលជុំវិញ ហើយក៏ស្រាប់តែប្រទះឃើញមានកាមេរ៉ាសុវត្ថិភាពនៅជ្រុងក្បែរនោះ ធ្វើនាងហួសចិត្តខ្លួនឯង និងបានលើកដៃបាំងមុខ ហើយដើរចេញពីទីនោះតែម្តង។
ជុំវិញនឹងករណីមួយនេះ អ្វីដែលគួរឲ្យចាប់អារម្មណ៍ និងអស់សំណើចខ្លាំងនោះ គឺថាម្ចាស់គណនីហ្វេសប៊ុក (Nur Ashiqin Muhammad Kyaizam ) ដែលបានបង្ហោះចែកចាយវីដេអូឃ្លីបដ៏ហួសចិត្តនេះ ក៏បានសរសេរដាក់ចំណងជើងវីដេអូឃ្លីបនេះ (Caption) ដើម្បីឲ្យសក្តិសមនឹងចោរស្រីទាំងពីរនោះថា «ដំណើរទៅពន្ធនាគាររបស់ព្រះនាងស៊ីនឌឺរីឡា» (Cinderella Journey to Prison) ។
គួរឲ្យដឹងផងដែរថា ប្រភពពុំបានទម្លាយឲ្យដឹងទេថា ជនសង្ស័យជាចោរស្រីទាំងពីរនាក់ ដែលមានបំណងចង់លួចស្បែកជើងនោះ មានប្រភពមកពីណា ហើយក៏នឹងមានការស៊ើបអង្កេតពីមន្រ្តីប៉ូលិស ដើម្បីធ្វើការឃាត់ខ្លួន សួរនាំពួកនាង ឬយ៉ាងណានោះឡើយ៕
តើសម្រាប់ប្រិយមិត្តវិញយល់យ៉ាងណាដែរ?

ចំនួនអ្នកទស្សនា
ថ្ងៃនេះ​ 496 នាក់
ម្សិលមិញ ​ 579 នាក់
សប្តាហ៍នេះ​ 4923 នាក់
សរុបទាំងអស់​ 319980 នាក់

ប្រទះឃើញផ្នូរសេ្តចស្វាស៊ុន អ៊ូខុង! ដោយគេសន្និដ្ធានថាជាការពិត ដោយសារគេជីកបាន….

ឪពុក​​បង្កើត​ រំលោភ​​​​​កូន​ស្រី​ខ្លួន​ឯង ​បាន​សម្រេច​ជា​ច្រើន​ដង ​ទើប​ទើបបែកធ្លាយដល់ប្រពន្ធ

រថយន្តដឹកជញ្ជូនផលអនុផលព្រៃឈើ(វល្លិ៍ផ្តៅ)បំរុងឆ្លងដែនខុសច្បាប់ចូលទៅប្រទេសថៃត្រូវសមត្ថកិច្ចបង្ក្រាបបានល្បីថាមានមេបញ្ជាការរងយោធាវរៈការពារព្រំដែនលេខ៤០៣ពីររូបនិងមន្ត្រីនគរបាលមួយជាអ្នកនៅពីក្រោយខ្នងចាំកាងរត់ការផ្លូវ

ស្ត្រី​ម្នាក់​ ជិះឡាន​ក្រុង​ពី​ភ្នំពេញ​ដើម្បី​លូក​ហោប៉ៅ​ភ្ញៀវ​ទេសចរ​ ​ជាតិ​និង​អន្តរជាតិ​នៅ​កន្លែង​អុំទូក មាត់​ស្ទឹង​សៀមរាប ​ត្រូវ​នគរបាល​ឃាត់ខ្លួន​បាន​ ខណៈ​កំពុង​ធ្វើ​សកម្មភាព

និស្សិតម្នាក់ មានវិបិត្តស្នេហា ខាងស្រីសុំបែកផ្លូវគ្នាដើរ តូចចិត្តចងក សម្លាប់ខ្លួន