​​
​ចាប់ខ្លួន មន្ត្រីនគរបាលក្រសួងមហាផ្ទៃម្នាក់ និងបក្ខពួកករណីហិង្សា និងគ្រឿងញៀន
ដោយ - Mon,09 September 2019 (Time 08:21 PM)

ខេត្តកំពត​៖​ កម្លាំង​នគរបាល​ខេត្តកំពត​ ឃាត់ខ្លួន​ជនសង្ស័យ​ចំនួន​១០​នាក់​ ក្នុង​នោះ​មាន​ម្នាក់​ជា​នគរបាល​ ពាក់ព័ន្ធ​ករណី​ហិង្សា​ដោយ​ចេតនា​ កាលពី​ថ្ងៃ​ទី​៨​ ខែសីហា​ ឆ្នាំ​២០១៩​ វេលា​ម៉ោង​១៣​និង​១៧​នាទី​ នៅ​ចំណុច​ស្ថានីយ​តូ​តា​ល់​ ស្ថិត​នៅ​ភូមិ​ក្រាំង​ សង្កាត់​ក្រាំង​អំបិល​ ក្រុង​ ខេត្តកំពត​។​

​សមត្ថកិច្ច​បាន​ឲ្យ​ដឹង​ថា​ជន​រង​គ្រោះ​ឈ្មោះ​ ម៉ុ​ន​ រ៉ា​ម៉​ន​ ភេទ​ ប្រុស​ អាយុ​១៨​ឆ្នាំ​ មុខរបរ​កម្មករ​ចាក់​ប្រេង​តូ​តា​ល់​ ត្រូវ​បាន​ជនសង្ស័យ​ វាយ​បណ្តាល​អោយ​ពកថ្ងាស​ខាងឆ្វេង​ និង​ពក​ក្បាល​ផ្នែក​ខាងក្រោយ​មួយ​កន្លែង​។​

​សមត្ថកិច្ច​បាន​បន្ត​ថា​មូលហេតុ​ ចាក់​សាំង​50$​ អត់​អស់​ ទារ​ដាក់​ប៊ីដុង​ ប៉ុន្តែ​អ្នកលក់​ថា​ ក្រុមហ៊ុន​អត់​មាន​លក់​
​ដាក់​ប៊ីដុង​ទេ​។​ ពួក​គេ​ខឹង​ថា​សំដី​ឈ្លើយ​ ក៏​វ៉ៃ​តែ​ម្តង​។​

​ជនសង្ស័យ​ដែល​សតម​ត្ថ​កិច្ច​ឃាត់ខ្លួន​រួម​មានៈ​
១-​ឈ្មោះ​ សេង​ សុភ​ត្ត្រា​ ភេទ​ប្រុស​ អាយុ​២០​ឆ្នាំ​ មុខរបរ​និស្សិត​ មាន​ទីលំនៅ​ភូមិ​ទួល​រកា​ សង្កាត់​ចក្រ​អង្រែ​ ខណ្ឌមានជ័យ​ រាជធានី​ភ្នំពេញ​។​
២-​ឈ្មោះ​ កាន់​ សេង​ហ៊ុយ​ ភេទ​ប្រុស​ អាយុ​២០​ឆ្នាំ​ មាន​ទីលំនៅ​ព្រែក​តា​គង់​ សង្កាត់​ច​ង្រ​អង្រែ​លើ​ ខណ្ឌមានជ័យ​ រាជធានី​ភ្នំពេញ​ មុខរបរ​មិន​ពិតប្រាកដ​។​
៣-​ឈ្មោះ​ សួន​ តុសិត​ពិទូរ្យ​ ភេទ​ប្រុស​ អាយុ​៣០​ឆ្នាំ​ មុខរបរ​នគរបាល​(​ឋានន្តរស័ក្តិ​ អនុសេនីយ៍ទោ​ ឋាន​តួនាទី​ នាយ​រង​ផ្នែក​រដ្ឋបាល​-​សរុប​ នៃ​ក្រសួងមហាផ្ទៃ​)​ នៅ​ភូមិ​ព្រែក​ឫស្សី​ សង្កាត់​ព្រែក​ឫស្សី​១​ ក្រុង​តា​ខ្មៅ​ ខេត្តកណ្តាល​ (​ជន​បង្ក​)​។​
៤-​ឈ្មោះ​ គឹ​ម​ ចិន​ ភេទ​ប្រុស​ អាយុ​២២​ឆ្នាំ​ មុខរបរ​ជាង​ឡាន​ មាន​ទីលំនៅ​ភូមិ​តា​ខ្មៅ​ សង្កាត់​តា​ខ្មៅ​ ក្រុង​តា​ខ្មៅ​ ខេត្តកណ្តាល​។​
៥-​ឈ្មោះ​ថៃ​ បញ្ញា​ ភេទ​ប្រុស​ អាយុ​២២​ឆ្នាំ​ មុខរបរ​ជាង​ឡាន​ នៅ​រាជធានី​ភ្នំពេញ​។​
៦-​ឈ្មោះ​ សុទ្ធ​ ចំរើន​ ភេទ​ប្រុស​ អាយុ​២៨​ឆ្នាំ​ នៅ​សង្កាត់​ច្បារ​អំពៅ​ ខណ្ឌ​ច្បារ​អំពៅ​ រាជធានី​ភ្នំពេញ​។​
៧-​ឈ្មោះ​ ឃី​ម​ ស្រី​តូច​ ភេទ​ស្រី​ អាយុ​២៦​ឆ្នាំ​ នៅ​ខេត្តកំពង់ចាម​។​
៨-​ឈ្មោះ​ ហេង​ ស្រី​លាភ​ ភេទ​ស្រី​ អាយុ​២៩​ឆ្នាំ​ នៅ​រាជធានី​ភ្នំពេញ​។​
៩-​ឈ្មោះ​ រ័​ត្ន​ ដា​លី​ន​ ភេទ​ស្រី​ អាយុ​២៥​ឆ្នាំ​ នៅ​ភូមិ​ដី​ឡូ​ ឃុំ​ត្រពាំង​ព្រះ​ ស្រុក​ព្រៃឈរ​ ខេត្តកំពង់ចាម​។​
១០-​ឈ្មោះ​ ហេង​ សុ​ភើ​ន​ ភេទ​ស្រី​ អាយុ​២៥​ឆ្នាំ​ នៅ​ភូមិ​ ស្វាយ​ឫស្សី​ ឃុំ​ដូន​កែវ​ ស្រុក​តាកែវ​ ខេត្តតាកែវ​។​

​បច្ចុប្បន្ន​កម្លាំង​ជំនាញ​កំពុង​សាកសួរ​យកច​ម្លើ​យនិង​កសាង​សំណុំរឿង​ចាត់ការ​តាម​នីតិវិធី​ ៕